మిడ్ మానేరు ముంపు గ్రామాల నిర్వాసితులకు ఇందిరమ్మ ఇళ్లను మంజూరు చేసినందుకు చొప్పదండి ఎమ్మెల్యే మేడిపల్లి సత్యం కృతఙ్ఞతలు తెలిపారు. బీఆర్ఎస్ ప్రభుత్వం రైతుల నుంచి విలువైన భూములు లాక్కొని రోడ్డున పడేస్తే... కాంగ్రెస్ ప్రభుత్వం వారిని అక్కున చేర్చుకుందని ఎమ్మెల్యే మేడిపల్లి సత్యం తెలిపారు, కాంగ్రెస్ పార్టీ మాట ఇస్తే తప్పదని మరోసారి రుజువైందన్నారు.
మిడ్ మానేరు నిర్వాసితుల సమస్యలను పరిష్కరిస్తామన్నారు. బీఆర్ఎస్ హయాంలో తాను రైతుల పక్షాన పోరాటం చేస్తే.. చొప్పదండి కాంగ్రెస్ ఇన్చార్జిగా అనేక సమస్యలు ఎదుర్కొన్నానన్నారు. ప్రజా ప్రభుత్వంలో మిడ్ మానేరు ముంపు గ్రామాల సమస్యలు పరిష్కరిస్తామన్నారు.
